പ്ലാന്റേഷന്‍ ഡയറക്ടറേറ്റിൻ്റെ നേതൃത്വത്തിൽ കാർബൺ ട്രേഡിങ്ങ് - സാദ്ധ്യതകൾ, പുതിയ പ്രവണതകൾ എന്ന വിഷയത്തിൽ എറണാകുളത്തെ ക്രൗൺ പ്ലാസയിൽ സെമിനാർ നടത്തപ്പെട്ടു. കാർബൺ വ്യാപാര പ്രക്രിയ, വിപണിയിലെ പുതിയ പ്രവണതകൾ, കാർബൺ വ്യാപാര സമ്പത് വ്യവസ്ഥ, നിയമവശങ്ങൾ തുടങ്ങിയ വിഷയങ്ങളിൽ ചർച്ചകൾ നടന്നു. ശ്രീ. എ.പി.എം മുഹമ്മദ് ഹനീഷ് ഐ.എ.എസ് പ്രിൻസിപ്പൽ സെക്രട്ടറി, വ്യവസായ വകുപ്പ്, ശ്രീ. എസ്. ഹരികിഷോർ ഐ.എ.എസ്, വ്യവസായ വാണിജ്യ വകുപ്പ് ഡയറക്ടർ & പ്ലാൻറ്റേഷൻ സ്പെഷ്യൽ ഓഫീസർ, വ്യവസായ പ്രതിനിധികൾ, അക്കാദമിക് വിദഗ്ധർ എന്നിവർ പരിപാടിയിൽ പങ്കെടുത്തു.

പ്ലാന്റേഷന്‍ മേഖലയിലെ ഉത്തരവാദിത്ത ടൂറിസം എന്ന വിഷയത്തിൽ 3 സെമിനാറുകൾ നടത്താൻ തീരുമാനം എടുക്കുകയുണ്ടായി. ഈ പരമ്പരയിലെ ആദ്യത്തെ സെമിനാർ 2023 ജനുവരി 6 ന് കോഴിക്കോട്ടെ ടാജ് ഗേറ്റ്‌വേ ഹോട്ടലിൽ നടന്നു. 150 ൽ കൂടുതൽ പ്ലാൻറ്റർമാർ സെമിനാറിൽ പങ്കെടുത്തു. 'കേരളത്തിലെ തോട്ടങ്ങളിലെ വിനോദസഞ്ചാരം പുനർ രൂപകൽപ്പന ചെയ്യൽ' (Redesigning Plantation Tourism in Kerala), 'തോട്ടങ്ങളിലെ ഉത്തരവാദിത്ത ടൂറിസത്തിന്റെ സാധ്യതകൾ ' (Scope of Responsible Tourism in Plantations), 'തോട്ടങ്ങളിലെ വിനോദസഞ്ചാരം - ടൂറിസം വ്യവസായത്തിന്റെ കാഴ്ചപ്പാട്' (Plantation Tourism- A view from the Tourism Industry), 'ഉത്തരവാദിത്ത ടൂറിസത്തിൽ പരമ്പരാഗത വാസ്തുവിദ്യ നിലനിർത്തുന്നതിന്റെ പ്രാധാന്യം' (Importance of retaining Traditional Architecture in Responsible Tourism) എന്നീ വിഷയങ്ങളിൽ സെഷനുകൾ നടന്നു.

പ്ലാന്റേഷന്‍ മേഖലയിലെ വിവിധ ഉൽ‌പന്നങ്ങളും സേവനങ്ങളും പൊതുജനങ്ങള്‍ക്ക് പരിചയപ്പെടുത്തുക, കേരളത്തിലെ പ്ലാന്റേഷന്‍ മേഖല പുനരുജ്ജീവിപ്പിക്കുക, കേരള ബ്രാൻഡ് പ്രോത്സാഹിപ്പിക്കുക, സുസ്ഥിര കൃഷി രീതികൾ പ്രോത്സാഹിപ്പിക്കുക എന്നീ ലക്ഷ്യങ്ങളോടെയാണ് പ്ലാൻറ്റേഷൻ ഡയറക്ടറേറ്റ് പ്ലാന്റേഷൻ എക്സ്പോ സംഘടിപ്പിച്ചത്.

2023 ഫെബ്രുവരി 16 മുതൽ 19 വരെ തിരുവനന്തപുരം കനകക്കുന്ന് സൂര്യകാന്തി എക്സിബിഷൻ ഗ്രൗണ്ടിൽ പ്ലാന്റേഷൻ എക്സ്പോ നടന്നു. എക്സ്പോയിൽ 100 സ്റ്റാളുകൾ ഒരുക്കിയിരുന്നു. 35 സ്റ്റാളുകൾ തോട്ടങ്ങള്‍ക്കും, 40 സ്റ്റാളുകൾ യന്ത്ര ഉപകരണ നിർമ്മാതാക്കൾക്കും, 25 സ്റ്റാളുകൾ വിവിധ സർക്കാർ വകുപ്പുകൾക്കും അനുവദിച്ചു. ബഹുമാനപ്പെട്ട നിയമ, വ്യവസായ, കയർ വകുപ്പ് മന്ത്രി ശ്രീ. പി. രാജീവ് എക്സ്പോ ഉദ്ഘാടനം ചെയ്തു.

പ്ലാന്റേഷൻ ഡയറക്ടറേറ്റിന്റെ ഔദ്യോഗിക വെബ്‌ സൈറ്റ് 2023 ഫെബ്രുവരി 16 ന് പ്ലാന്റേഷൻ എക്സ്പോ 2023 ന്റെ ഉദ്ഘാടന വേളയിൽ ബഹുമാനപ്പെട്ട നിയമ, വ്യവസായ,കയർ വകുപ്പ് മന്ത്രി ശ്രീ. പി. രാജീവ് പ്രകാശനം ചെയ്തു.