ലോക കോഫി കോൺക്ലേവ് ആൻഡ് എക്സ്പോയുടെ അഞ്ചാമത് എഡിഷൻ(2023) സെപ്റ്റംബർ 25 മുതൽ 28 വരെ ബാംഗ്ലൂരിലെ പാലസ് ഗ്രൗണ്ടിൽ നടന്നു. നൂറിൽ പരം രാജ്യങ്ങളിൽ നിന്നുള്ള പ്രതിനിധികളും , കോഫി ഉല്പാദകരും , സർക്കാർ പ്രതിനിധികളും സുസ്ഥിരമായ കോഫി വ്യവസായം വികസിപ്പിക്കുക എന്ന ലക്ഷ്യത്തോടെ WCC2023ൽ പങ്കെടുത്തു.


ഡയറക്ടറേറ്റ് ഓഫ് പ്ലാന്റേഷൻസാണ് WCC2023 ൽ കേരള പവലിയൻ ഒരുക്കിയത്. സംസ്ഥാനത്തെ കാപ്പിക്കൃഷിയുടെ തനതായതും സമ്പന്നവുമായ പാരമ്പര്യം പവലിയൻ അവതരിപ്പിച്ചു. പവലിയൻറ്റെ ഉദ്ഘാടനം ബഹു. വാണിജ്യ വ്യവസായ കാബിനറ്റ് മന്ത്രി ശ്രീ. പിയൂഷ് ഗോയൽ നിർവഹിച്ചു. സംസ്ഥാനത്ത് നിന്നുള്ള 15-ലധികം കാപ്പി കർഷകർ പവലിയൻറ്റെ ഭാഗമാവുകയും അവരുടെ ഉൽപ്പന്നങ്ങളും സേവനങ്ങളും പ്രദർശിപ്പിക്കുകയും വിപണനം ചെയ്യുകയും ചെയ്തു.